2018 Rhif (Cy. )

YMADAEL Â’R UNDEB EWROPEAIDD, CYMRU

CYNRYCHIOLAETH Y BOBL, CYMRU

LLYWODRAETH LEOL, CYMRU

Rheoliadau Etholiadau (Cymru) (Diwygio) (Ymadael â’r UE) 2018

NODYN ESBONIADOL

(Nid yw’r nodyn hwn yn rhan o’r Rheoliadau)

Mae’r Rheoliadau hyn wedi eu gwneud drwy arfer y pwerau a roddir gan adran 11 o Ddeddf yr Undeb Ewropeaidd (Ymadael) 2018 a pharagraff 1(1) o Atodlen 2 iddi, er mwyn ymdrin ag unrhyw fethiant yng nghyfraith yr UE a ddargedwir i weithredu’n effeithiol a diffygion eraill sy’n deillio o ymadawiad y Deyrnas Unedig â’r Undeb Ewropeaidd.

Mae’r Rheoliadau hyn yn gwneud diwygiadau i ddeddfwriaeth ynghylch etholiadau llywodraeth leol. Mae Rhan 1 yn diwygio deddfwriaeth sylfaenol ac mae Rhan 2 yn diwygio is-ddeddfwriaeth.

Ystyriwyd Cod Ymarfer Gweinidogion Cymru ar gynnal Asesiadau Effaith Rheoleiddiol mewn perthynas â’r Rheoliadau hyn. O ganlyniad, ystyriwyd nad oedd yn angenrheidiol cynnal asesiad effaith rheoleiddiol o’r costau a’r manteision sy’n debygol o ddeillio o gydymffurfio â’r Rheoliadau hyn.

 

2018 Rhif (Cy. )

YMADAEL Â’R UNDEB EWROPEAIDD, CYMRU

CYNRYCHIOLAETH Y BOBL, CYMRU

LLYWODRAETH LEOL, CYMRU

Rheoliadau Etholiadau (Cymru) (Diwygio) (Ymadael â’r UE) 2018

Gofynion sifftio wedi eu bodloni                ***

Gwnaed                                                 ***

Gosodwyd gerbron Cynulliad Cenedlaethol Cymru       ***

Yn dod i rym yn unol â rheoliad 1

Mae gofynion paragraff 4(2) o Atodlen 7 i Ddeddf yr Undeb Ewropeaidd (Ymadael) 2018([1]) (sy’n ymwneud â’r weithdrefn graffu briodol ar gyfer y Rheoliadau hyn) wedi eu bodloni.

Mae Gweinidogion Cymru yn gwneud y Rheoliadau hyn drwy arfer y pwerau a roddir gan adran 11 o’r Ddeddf honno a pharagraff 1(1) o Atodlen 2 iddi.

Enwi a chychwyn

1. Enw’r Rheoliadau hyn yw Rheoliadau Etholiadau (Cymru) (Diwygio) (Ymadael â’r UE) 2018 a deuant i rym ar y diwrnod ymadael([2]).

 

RHAN 1

Diwygiad i ddeddfwriaeth sylfaenol

Diwygio Mesur Llywodraeth Leol (Cymru) 2011

2. Yn Atodlen 2 i Fesur Llywodraeth Leol (Cymru) 2011([3]) (aelodaeth o Banel Annibynnol Cymru ar Gydnabyddiaeth Ariannol), hepgorer paragraff 1(4)(d).

RHAN 2

Diwygiadau i is-ddeddfwriaeth

Diwygio Rheoliadau Awdurdodau Lleol (Trefniadau Gweithrediaeth) (Swyddogaethau a Chyfrifoldebau) (Cymru) 2007

3. Yn Rhan Ch o Atodlen 1 (swyddogaethau nad ydynt i fod yn gyfrifoldeb i weithrediaeth awdurdod) i Reoliadau Awdurdodau Lleol (Trefniadau Gweithrediaeth) (Swyddogaethau a Chyfrifoldebau) (Cymru) 2007([4]), hepgorer paragraff 7.

Diwygio Rheoliadau Awdurdodau Lleol (Cynnal Refferenda) (Cymru) 2008

4.—(1)(1) Mae Rheoliadau Awdurdodau Lleol (Cynnal Refferenda) (Cymru) 2008([5]) wedi eu diwygio fel a ganlyn.

(2) Yn rheoliad 2(1), hepgorer y diffiniadau o “etholiad Senedd Ewrop” (“European Parliamentary election”) ac “etholiad cyffredinol Senedd Ewrop” (“European Parliamentary general election”)([6]).

(3) Yn Nhabl 5 (Rheoliadau Cynrychiolaeth y Bobl (Cymru a Lloegr) 2001([7])) o Atodlen 4 (cymhwyso, gydag addasiadau, deddfau ac is-ddeddfwriaeth), yn y rhes sy’n darparu ar gyfer addasu Atodlen 3, Ffurf E([8])—

(a)     yn lle “Yn lle “European Parliamentary electoral region” rhodder “Referendum voting area…”.” rhodder “Ar ôl “Local government electoral area(s)” mewnosoder “Referendum voting area…”.”;

(b)     yn lle “hyd at “electoral region]]”” rhodder “hyd at “electoral area]]””.

 

 

Enw

Ysgrifennydd y Cabinet dros Lywodraeth Leol a Gwasanaethau Cyhoeddus, un o Weinidogion Cymru

Dyddiad